'U PANI
Mmienz'u larghi
'a pustala s'è firmata;
su scisi sulamente tre prissuni
a mamma, 'u picciulillu ppi ra mana;
'u patri na bbalicia, na 'sccatula i cartuni.
Povira fimmina!
tena l'uocchi russi
a nascca surchia,
e li trema ru mussu.
'U trenu fiscca, sccama, s'è firmati,
manchi reci minutuli ha tardati;
ancunu scinna, e rancunatru 'nchiana
o ghè arrivati, o si nni và luntanu.
'U patri spuna nterra iniia fangotti
sta cittu, cittu;
abbrazza ra mugghera,
vasa ru quatrariellu, e ppi ra mana u tena,
un cianda ppi bbrigogna,
a ru figghi li garma 'na minzogna:
vai puorti ssi rua paochi ghintr'u treno.
Pu guarda ru riloggi: « Parta all'otto ».
si 'nchiana ri sua pacchi e ru cappotto,
Ghè fatta l'ura e ssi nni và lontani
ppi s'abbusccari chillu piezz’ì pani.
