GHE' SIRA
Cchiù tardi si fà scuru,
arrieri a ri muntagne 'u sulu puna
e 'ntra campagna un c'è cchiù nissunu ...
'na colacarna si ricogghia a ru niru,
'u cane agguaia proprio 'ntru iardini,
'a iocca rorma supr'i pullicini.
'U vienti s'è firmatu, acquagghia cara:
e cara citta citta 'ncuoll'a tuttu
e mò ghè 'mbusu chillu ch'era asciuttu,
canta nu grillu; nu poco vrigugnusu
'u pecuriellu s'ccama: vò 'ra mamma;
ghia m'assietti e mi ripuosi i gamme.
Vij 'na casicella ru luntanu:
ghescia nu fili i fumu ri la ciminera;
ghè bella sta sirata i primavera!
