'A cuntrura
'Na vinilluzza tutta petre, e spara
gumita, gumita e puru menza scura
però stracangia proprio a ra cuntrura.
Sulu tanni,
ccu nu poch'i sulu
pigghia bbita, si nnarma,
si ricria, pigghia culuru;
i muccusielli iochin'a ra mazza
nu nguenguaricchi rorma,
ghintra li stanchi vrazzi ri la mamma
accruccata ri fatiga.
'A za Carmenia fila,
fila ra lana, ccu ru fusu;
Chicchinella ghè assittata susu
e si spirucchia supr'u ballaturu,
mentre chi si spiruochia, ioca e rira
e nun s'accorgia ch'è binuta a sira .
