'U CURDARU
Goi sugnu a ru barcunu
assittati mmienzi i rrasti
chini i iuri e chini i canni
e ntr'adduri ri viole
vii ghesciri la scola.
I guagnuni, a frotte a frotte
sù cuntienti i stari fora
chini mangia, chini ioca,
chini fuia, chi si scerra;
certi chi giriini ntuorni,
mmienzi a tutta chissa guerra.
Và luntanu lu pinzieri!
nun bba avanti, fuia arrieri
puri ghia m'ai scialati
e nnè fatti ri iucate.
Sugni guomi, sugni affritti,
sugni chini ri pinzieri,
sugni assai ricchi e putenti
si putissa ..., citti, citti
mi vutassa sbertamente.
